• Radio Himshikhar
  • kankai Bikash Bank
News Updates
  • अस्पतालमा बिरामीको मृत्यु भएपछि मृतकका आफन्तले दमक प्रहरीमा निवेदन
  • सप्तरीमा काँग्रेस १० वडा, एमाले ६ र नेपाल लोकतान्त्रिक फोरमल ४ वडामा बिजयी
  • बिर्तामोडमा अतिक्रमण गरि बनाइएका संरचना भत्काउन सुरु
  • मेक्सिकोमा शक्तिशाली भूकम्पमा परि २ सय ४८ जनाको मृत्यु , उद्धारकार्य जारी ।
  • आज स्वर सम्राट नारायण गोपालको ८० औं जन्म जयन्ती,बिभिन्न कार्यक्रम गरि मनाइदै
खेलकुद
सिद्धान्त लोहनी चम्किदा इटहरीको फराकिलो जित
प्रकाशित मिति: बुधबार, कार्तिक ३, २०७३

पथरी, कात्तिक ३ । राष्ट्रिय टोलीका खेलाडी समेत रहेका सिद्धान्त लोहनीको शतकीय पारीको मदतमा मोरङको पथरी स्थित आइतबारेमा बुधबारबाट सुरु छैटौ विरेन्द्रनगर च्यालेन्ज कप क्रिकेट  प्रतियोगितामा सेभेन स्टार क्लब इटहरीले विजयी सुरुवात गरेको छ ।

प्रतियोगिता अन्तर्गत बुधबार भएको उद्घाटन खेलमा इटहरीले विर्तामोड क्रिकेट क्लबलाई १ सय २ रनको फराकिलो अन्तरले पराजित गरेको हो । टस हारेर पहिले ब्याटिङ गरेको इटहरीले सिद्धान्तको १ सय २७ रनको विष्फोटक पारिको मदतमा १९ दशमलब ३ ओभरमा अल आउट हुँदै २ सय १२ रनको उच्च योगफल तयार पारेको थियो । 

४५ बल खेलेका सिद्धान्तले १२ छक्का र ८ चौका प्रहार गरे । त्यस्तै इटहरीका सुमन खत्रीले २६ रन बनाए । विर्तामोडका विपुल खरेलले ४ ओभरमा १९ रन दिएर सर्वाधिक ३ विकेट लिए । 

इटहरीले दिएको २ सय १३ रनको विजयी लक्ष्य पछ्याएर जवाफी ब्याटिङ गरेको विर्तामोडले निर्धारीत २० ओभरमा ९ विकेट गुमाउँदै मात्र १ सय १० रन बनाउन सक्यो । विर्तामोडका लागि नामलिङ याक्तेनले १६ र मिलन कार्कीले १५ रन बनाए । 

इटहरीका मनोज मण्डलले सर्वाधिक ३ विकेट र अजय राजवंसीले ४ ओभरमा मात्र २ रन खर्चेर २ विकेट लिए । खेलको म्यान अफ द म्याच इटहरीका सिद्धान्त लोहनी घोषित भए ।

कात्तिक १२ गते सम्म संचालन हुने प्रतियोगिताको विजेता टोलीले नगद २५ हजार रुपैयाँ सँगै ट्रफी मेडल र प्रमाण पत्र तथा उपविजेता टोलीले नगद १५ हजार सँगै ट्रफी मेडल र प्रमाण पत्र प्राप्त गर्ने आयोजक विरेन्द्रनगर क्रिकेट क्लबले जनाएको छ । प्रतियोगितामा झापा, मोरङ र सुनसरीका गरी १७ टोलीको सहभागिता रहेको छ । 

प्रतियोगिता अन्तर्गत बिहीबार २ खेल हुँदैछन् । बिहीबार हुने पहिलो खेलमा न्यू दमक क्रिकेट क्लब र देविगञ्च क्रिकेट क्लब तथा दोश्रो खेलमा दुर्गापुरी क्रिकेट क्लब र कुसल चौक क्रिकेट क्लब बिच प्रतिस्पर्धा हुने प्रतियोगिता संयोजक हेमन्त ओझाले बताए । 

Comments