एजेन्सी, भदौ ८ । बुधबार दिउँसो म्यानमारमा शक्तिशाली भूकम्प गएको छ । अमेरिकी भुगर्व केन्द्रको मापन अनुसार ६.८  रेक्टर स्केलको भूकम्पको धक्का नेपालसम्म आइपुगेको थियो । दिउँसो ४ बजेर १८ मिनेटमा गएको भूकम्पको प्रभाव भारतको गुहावटी, कोलकत्ता, राची र पटना तथा नेपालको पूर्वी भेगमा समेत महसुस गरिएको छ ।

१२ घन्टाको अन्तरमा म्यानमारमा महसुस गरिएको ६ रेक्टर स्केलभन्दा बढी क्षमताको यो दोस्रो भूकम्प हो । करिब १० सेकेण्डसम्म आएको भूकम्पले कोलकोत्ता र गुहाटीका स्थानीय घर छोडेर बाहिर निस्किएका थिए ।