साउन २० – मैत्रिपूर्ण फुटबल खेलमा बार्सिलोनाले लिसेस्टर सिटीलाई पराजित गरेको छ । स्पेनिस च्याम्पियन बार्सिलोनाले इंग्लिस च्याम्पियन लिसेस्टर सिटी विरुद्ध ४–२ को सहज जित निकालेको हो । स्वीडेनको सोल्नामा बुधबार राति भएको खेलमा बार्सिलोनाका मुनिर एल हदादीले दुई तथा लुइस स्वारेजले र राफ म्युजिकाले समान एक गोल गरे ।
लिसेस्टर सिटीका लागि अहमद मुसाले दुई गोल गरे । मुसाले ४७ र ६६ औं मिनेटमा गोल गरेका हुन । लिसेस्टरले मुसालाई केही सयमअघि मात्रै क्लबको कीर्तिमानी १६ एक करोड ६० लाख पाउण्डमा अनुबन्ध गरेको थियो । खेलमा बार्सिलोनाका स्टार स्ट्राइकर लियोनल मेस्सीले गोल गर्न नसके पनि बार्सिलोनाले गरेको ४ मध्ये ३ गोलका लागि पास मिलाइदिएका थिए ।
