एजेन्सी फ्रान्सको दक्षिण शहर निसमा उत्सव मनाइरहेको एक भिडमा ट्रक गुड्दा मृत्यु हुनेको संख्या ८४ पुगेको छ । फ्रान्सेली क्रान्तिको दिन बास्टिल डे मनाइ रहेको बेला तीव्र गतिमा एउटा ट्रक भीडमा छिरेपछि ट्रकले किचेर ८४ जनाको मृत्यु भएको बिबिसीले जनाएको छ ।
स्थानीय प्रहरीले ट्रक चालकको गोली प्रहार गरी हत्या गरेका छन् । चालकको साथमा बन्दुक र ग्रिनेट फेला परेको प्रहरीले जनाएको छ । फ्रान्सका गृह मन्त्रीले भने अहिलेसम्म ८० जनाको मृत्यु भएको र १८ जना गम्भिर घाइते रहेको बताएका छन् ।
चालकसँग ट्युनिसिया र फ्रान्सको गरी दुई वटा नागरिकता रहको पाइएको छ । घटना आतंकवादी संगठन आइएसले गराएको हुन सक्ने अन्तराष्ट्रि सञ्चार माध्यमले जनाएका छन्
