एजेन्सी / इन्डोनेसियामा केही दिनदेखिको लामो ट्राफिक जामका कारण १२ जनाको मृत्यु भएको त्यहाँकोे सरकारी अधिकारीले बताएका छन् । जाममा फसेका १२ जनाको पानीको कमि तथा थकाइका कारण ज्यान गएको बताइएको छ ।
इन्डोनेसियाको जाभा द्विपमा केही दिनदेखि निकै लामो ट्राफिक जाम भएको छ । यसले गर्दा रमजान महिनाको अन्त्यमा छुट्टी मनाउन गएका लाखौं मानिस फसेका छन् । जाममा फसेर ज्यान जानेमा अधिकांश वृद्ध छन् ।
गाडी तातो भएको तथा पिउने पाने नपाएका कारण उनीहरुको ज्यान गएको हो । यस्तै एक बालिकाको गाडीबाट निश्किएको ग्यासका कारण ज्यान गएको हो । जाभा दिपमा गएको एक हप्तादेखि ट्राफिक जाम छ । २१ किलोमिटर भन्दा लामो जाम परेकाले बाटो खुलाउन समस्या भएको त्यहाँका अधिकारीले बताएका छन् ।
