काठमाण्डौ १४ जेष्ठ /ओसविरुद्धको मैत्रीपूर्ण फुटबल खेलमा भाग लिने नेपाली राष्ट्रिय फुटबल टोलीलाई बिदाई गरिएको छ । टोलीलाई एन्फा कम्प्लेक्स सातदोबाटोमा आयोजित एक कार्यक्रमकाबीच बिदाइ गरिएको हो
। नेपाली टोली थाइ एअरवेजको विमानमार्फत् थाइल्यान्डको बैंकक हुँदै लाओसको भियानतियान पुग्नेछ । नेपालले आगामी आइतबार नेपाली समयअनुसार साँझ सवा ५ बजेदेखि लाओसविरुद्ध मैत्रीपूर्ण फुटबल म्याच खेल्नेछ ।
लामो समयसम्म नेपाली राष्ट्रिय फुटबल टोलीले खेल्ने औपचारिक प्रतियोगिता नभएकाले अखिल नेपाल फुटबल संघ (एन्फा)ले मैत्रीपूर्ण खेललाई प्राथमिकता दिएको हो । बिदाई समारोहमा राष्ट्रिय खेलकुद परिषद (राखेप) को सदस्य–सचिव केशव विष्टले नेपालको गौरवलाई उच्च राख्दै खेलमा सहभागीता जनाउन आग्रह गर्नुभयो ।
लाओसविरुद्धको खेलका लागि नेपाली टोलीमा अनिल गुरुङ, किरण चेम्जोङ, भरत खवासलगायतका खेलाडीले पुनरागमन गरेका छन् ।
