News Updates
  • हचुवाको भरमा वडालाई बजेट बितरण गरेकोमा खाँदबारी नगरपालिकाप्रति आपत्ति
  • धनकुटामा मतदाता नामावली संकलनबाट नौ हजार मतदाता थपीए
  • पाँचौ अन्तराष्ट्रिय विज्ञान र वैज्ञानिक सम्मेलन आजदेखि काठमाडौमा सुरु
  • दुई दिने स्वास्थ्य शिविर सम्पन्न, २ हजार ७ सय ५० जना लाभान्वित
  • तिजको दर खर्च कटाएर गर्याे बालबालिकाहरुलाई सहयोग
अन्तर्राष्ट्रिय
इरानले उपग्रहको अन्तरिक्ष कक्षमा सफलतापूर्वक प्रक्षेपण गरेको दाबी
प्रकाशित मिति: शुक्रबार, साउन १३, २०७४

१३ साउन । इरानले उपग्रहको अन्तरिक्ष कक्षमा स्थापित गर्न सक्षम एक रकेटको सफलतापूर्वक प्रक्षेपण गरेको दाबी गरेको छ ।

इरानले उत्तरी इरानको सेमनान स्थित नयाँ अन्तरिक्ष केन्द्रबाट फिनिक्स रकेटको प्रक्षेपण गरेको दाबी गरेको हो । सन् २००९ देखि हालसम्म इरानले पाँच वटा रकेटको प्रक्षेपण गरिसकेको छ । इरानको सरकारी संचारमाध्यमले जनाए अनुसार यो रकेटले २५० किलोग्रामको स्याटेलाइटलाई ५ सय किलोमिटरको उचाइसम्म लिएर जान सक्छ । इरानले रकेट प्रक्षेपण गरेकोप्रति अमेरिकाले भने आपत्ति जनाएको छ ।

अमेरिकाले इरानको कदमले आफूलाई उत्तेजित पारेको जनाएको छ । अमेरिकाका विदेश मन्त्रालयका प्रवक्ता हिदर नाएर्तले इरानले रकेट प्रक्षेपण गरेको पुष्टि भएमा संयुक्त राष्ट्र संघको प्रस्तावको उल्लंघन हुने बताएका छन् । इरानले भने अमेरिकाले लगाएको प्रतिबन्धको जवाफ दिएको जनाएको छ ।

Comments