• Radio Himshikhar
  • Nepal Telecom
  • test
News Updates
  • उदयपुर सिमेन्ट उद्योग अब धुलो, धुवाँ र प्रदूषणरहित बनाइने
  • तेह्रथुम जिल्ला दैवी प्रकोप उद्धार समिति द्वारा संक्रान्ति बजारका अग्निपीडितलाई राहत वितरण
  • नालामा लडेको अवस्थामा भेटिएका एकजनाको मृत्यु
  • झापाको भद्रपुरस्थित मेची अञ्चल अस्पतालमा आईसियु सेवा सुरू
  • पोखरा महानगरको मेयरमा एमालेका मानबहादुर जिसी निर्वाचित
राष्ट्रिय
सरकार र मधेस केन्द्रित दलबिचको छलफल सकारात्मक, साझ फेरि बैठक बस्ने
प्रकाशित मिति: शुक्रबार, बैशाख ८, २०७४

काठमाण्डाैँ, ८ बैशाख । सरकार र मधेस केन्द्रित दलबिचको छलफल सकारात्मक भएपनि साझ फेरि बैठक बस्ने भएको छ ।

आज बिहान प्रधानमन्त्री निवास बालुवाटारमा भएको छलफलमा मधेस केन्द्रित दलका नेताहरुले सरकारले ल्याएको संविधान संशोधन विधेयक परिमार्जन भएमा चुनावमा सहभागी हुने संकेत गरेका हुन् ।  बैठकपछि पत्रकारसँग कुरा गर्दै नेता लक्ष्मणलाल कर्णले सरकारले परिमार्जन सहित संशोधन गर्ने प्रतिबद्धता जनाए आफूहरु चुनावमा सहभागी हुने बताउनु भयो । तर अहिलेकै विधेयक स्वीकार्य नहुने उनीहरुले अडान दोहोर्याएका छन् । हिजो मात्रै पार्टी एकता गरेका मधेसी नेताहरुलाई प्रधानमन्त्रीले वार्तामा बोलाउनु भएको हो । वैठकमा प्रधानमन्त्री पुसष्पकमल दाहालले संशोधन विधेयकमा सहमतिमा गरेर वैशाख ३१ गते हुने चुनावमा सहभागी हुन आह्वान गर्नुभएको थियो ।

मधेस केन्द्रित दलका नेताहरुले भने चुनावभन्दा संविधान संशोधन आफूहरुको मुख्य चासो भएको भन्दै सरकारले ल्याएको प्रस्तावमा पुनर्विचार गर्न सरकारसँग आग्रह गरेका थिए । संविधान संशोधन प्रस्ताव र स्थानीय तहको चुनावमा सहमति जुटाउन सत्तारुढ दलको बैठक दिउँसो ३ बजे बस्नेछ । यस विषयमा एमालेसँग पनि कुरा हुने माओवादी नेता वर्षमान पुनले जानकारी दिनुभयो । बेलुकी ५ बजे सरकार र मधेसवादी दलबिच फेरि बैठक बस्ने प्रधानमन्त्रीको निजी सचिवालयले जनाएको छ ।

Comments