• Radio Himshikhar
  • kankai Bikash Bank
News Updates
  • मंसिर १० मा संघीय र प्रदेशको निर्वाचन एकै दिन गर्ने सरकारले निर्णय
  • महासङ्घको नयाँ नेतृत्वका लागि मतदान शुरु
  • मोरङमा एकासी हजार भन्दा बढी नयाँ मतदाता
  • विपक्षमा मतदान गर्न राप्रपाको ह्विप जारी
  • म्याक्स इन्टरनेशनल अस्पतालद्वारा बाढीपीडितको उपचार
अन्तर्राष्ट्रिय
लिबियामा आप्रवासी 'दाससरह बेचिंदै'
प्रकाशित मिति: बुधबार, चैत्र ३०, २०७३

३० चैत्र । अन्तराष्ट्रिय आप्रवासी संगठन (आइओएम) ले लिबियाका आप्रवासीहरु यूरोपेली बजारमा दासका रुपमा किनबेच भइरहेको भन्दै गम्भीर चिन्ता व्यक्त गरेको छ ।

परिचयपत्र नभएका र मानव तस्करलाई दिने पैसासमेत नभएका आप्रवासीहरु दासका रुपमा बेचिंदै गरेको आइओएमले उल्लेख गरेको हो । मानव तस्करहरुले नगरको चोक, सवारी पार्किङस्थलमा समेत आप्रवासीलाई दासका रुपमा बेचेको बताइएको छ । लिबियामा आप्रवासीहरुको स्थिति अत्यन्त खराब रहेका बेला उनीहरु दासका रुपमा बेचिने प्रवृत्ति थप चिन्ताजनक भएको आइओएमको भनाई छ । विभिन्न कारणले दासको बजार भने दिनानुदिन फस्टाएको बताइन्छ । लडाकु समूहहरु र मानव तस्करले मानिस अपहरण गर्ने र उनीहरुसग पैसा नभएमा बेच्ने गरेको अनुसन्धानबाट खुलेको हो । बेचिएकामध्ये अधिकांश पुरुष छन् भने बेचिएका महिलालाई जबरजस्ती वेश्यावृत्तिमा लगाइने गरेको आइओएमले जनाएको छ । भूमध्यसागर हुँदै युरोप जान चाहने आप्रवासीका लागि लिबिया महत्वपूर्णस्थल हो । 

Comments