• Radio Himshikhar
  • kankai Bikash Bank
  • test
News Updates
  • थ्रीस्टारको विवादसँगै एन्फाको बैठक स्थगित
  • स्थानीय बासिन्दालाई छिट्टै सुविधा दिन सञ्चारमन्त्रीको निर्देशन
  • शिक्षा पत्रकारिता पुरस्कार रौनियार र पौडेललाई
  • बन्दरगाह सञ्चालनमा आएको सातवर्ष बित्याे, अझै ठेक्का लागेन
  • अस्पतालले मनायाे १ सय २८ औँ वार्षिकोत्सव, भरपर्दो र सुविधा सम्पन्न बनाउन आवश्यक
मोफसल समाचार
धरानमा प्रहरीकै संलग्नतामा काठ तस्करी
प्रकाशित मिति: सोमबार, चैत्र ७, २०७३

धरान, ७ चैत्र । धरानमा प्रहरीकै संलग्नतामा काठ तस्करी हुने गरेको पाइएको छ । 

धरान २० विष्णुपादुकाको भवानी थान सामुदायिक वनबाट काठ तस्करी गर्दै गरको अवस्था बोलेरो गाडी सहित पक्राउ गरि सेक्टर बन कार्यालय धरानमा बुझाइएको छ । काठ तस्करीमा सलग्न विष्णुपादुका अस्थायी प्रहरी पोष्टका इन्चार्ज खेमबहादुर कुवर र प्रहरी जवान गंगा लिम्बु सहित धरान १८का  विवेक लिम्बु, चालक विराटनगर ५ का नगरेन्द्र कार्कीलाई पक्राउ गरिएको हो । को १ च ६३८१ नम्बरको बोलेरो जिपमा साविकको विष्णुपादुका गाविस ८ र हालको धरान २० वरडाडा भन्ने स्थानबाट पक्राउ गरी सेक्टर वन कार्यालय धरानलाई बुझाइएको वन उपभोक्ता समितिका कोषाध्यक्ष राजबहादुर राईले बताउनुभयो ।

वन उपभोक्ता समितिका पदाधिकारीहरुले काठ नियन्त्रणमा लिएको जानकारी दिएपछि प्रहरीसहित वन कार्यालयका कर्मचारीले पक्राउ गरेको सेक्टर बन कार्यालयका प्रमुख ज्ञानकुमार लामाले बताउनुभयो ।  यस्तै तस्कारीमा प्रहरीले प्रयोग गरेको को ४ प ८००७ नम्बरको पल्सर मोटर साइकल समेत बरामद गरिएको छ  ।  बोलेरोमा १९ किवी सखुवाको काठ रहेको बन कार्यालयले जनाएको छ । 
 

Comments