• Radio Himshikhar
  • Nepal Telecom
  • test
News Updates
  • गणतन्त्र दिवस समारोहमा राष्ट्रपति सरिक
  • उत्तर कोरिया द्वारा छोटो दूरीमा मार हान्न सक्ने ब्यालेस्टिक मिसाइल परीक्षण
  • आज दशौं गणतन्त्र दिवस, विभिन्न कार्यक्रम गरी मनाईंदै
  • सुरक्षाको दृष्टिकोणले ताप्लेजुङका ३१ वटा मतदान केन्द्र अति संबेदनसिल
  • बदर मत घटाउनको लागि मतदाता शिक्षाको कार्यक्रमलाई अगाडि बढाउदै जिल्ला निर्वाचन कार्यालय धनुषा
राष्ट्रिय
नलसिङ गाड जलविद्युत आयोजनाका बिषयमा अध्ययन गर्न संसदीय समितिले उपसमिति गठन गर्ने निर्णय
प्रकाशित मिति: आइतबार, चैत्र ६, २०७३

काठमाण्डाैँ, ६ चैत्र । नलसिङ गाड जलविद्युत आयोजनाका बिषयमा अध्ययन गर्न संसदीय समितिले उपसमिति गठन गर्ने निर्णय भएको छ  । 

सिंहदरबारमा आज बसेको व्यबस्थापिका संसद अन्तर्गतको सार्वजनिक लेखा समिति बैठकले सो आयोजनाको  इन्जिनियरिङ सर्वेक्षण, डिजाईन तथा वातावरणीय प्रभाव मूल्यांकन अध्ययन परामर्श दाता छनौटमा अनियमितता भएकोबारे छानवीन गर्न उपसमिति गठन गर्ने निर्णय गरेको हो ।  निर्माणाधिन ४ सय १० मेघावाट आयोजनाको सम्भाव्यता अध्ययनका लागि परामर्श दाता छनौटमा देखिएको अनियमितता छानवीनका लागि उपसमिति गठन गर्ने निर्णय लिइएको समितिका सभापति डोरप्रसाद उपाध्यायले जानकारी दिनुभयो ।  समितिको अर्को बैठकले उपसमितिका सदस्यहरु चयन गर्नेछ । उपसमितिलाई एक महिना भित्र सो सम्बन्धमा छानवीन गरी प्रतिवेदन तयार पार्ने कार्यादेश पनि दिइएको छ । 

समितिको बैठकमा आयोजनाका कार्यकारी निर्देशक मोतीबहादुर कुँवरले खरिद नियमावलीको दफा ३७ अनुसार परामर्श दाता छनौट गरिएको बताउनुभयो । बैठकमा समितिका सदस्यहरुले आयोजनाको परामर्श दाता छनौटमा आर्थिक चलखेल हुन आएको देखिएको भन्दै असन्तुष्टी व्यक्त गरेका थिए ।  नलसिङ गाड जलविद्युत  आयोजना जाजरकोटमा रहेको ४ सय १० मेगावाटको निर्माणाधिन जलविद्युत आयोजना हो ।

Comments