• Radio Himshikhar
  • Nepal Telecom
  • test
News Updates
  • सेना अब संघीय संरचना अनुसार ७ वटै प्रदेमा : रक्षामन्त्री
  • ललितपुरमा थाङ्का प्रर्दशनी सुरु
  • इलामका ४१ उद्योगलाई आधुनिक प्रविधि हस्तान्तरण
  • धरान मिस एस.ई.ई.को फाइनल वैसाख १५ गते हुने
  • एमालेलाई कमजोर शक्ति नठान्न केपी ओलीकाे चूनौती
अन्तर्राष्ट्रिय
सिरियाको राजधानी दमास्क नजिक छुट्टाछुटै बम विष्फोट, कम्तीमा ४० जनाको मृत्यु, १ सय २० भन्दा बढी घाइते
प्रकाशित मिति: आइतबार, फाल्गुण २९, २०७३

२९ फाल्गुण ।  सिरियाको राजधानी दमास्कस नजिक भएका दुई वटा बिस्फोटमा परी कम्तिमा ४० जनाको मृत्यु भएको छ ।

घटनामा १ सय २० जना भन्दा बढी घाइते भएका छन् । सिया मुसलमान समुदायको पवित्र धार्मिकस्थलमा भएका विस्फोट के उद्देश्यले गराइएको थियो भन्ने विषयमा सञ्चारमाध्यमहरुमा फरक–फरक धारणा आएका छन् । बाल अल साघिर चिहान क्षेत्रमा भएका दुई वटा विस्फोट भएको र घटनामा थुप्रैको मृत्यु भएको सिरियाको राष्ट्रिय समाचार संस्था सानाले जनाएको छ । सो चिहान क्षेत्रमा सिरियाका थुप्रै महत्वपूर्ण सिया समुदायका धर्म गुरुहरुको शव गाडिएको सानाले बताएको छ । सिरियाली अधिकारीलाई उदृत गर्दै अरब अल मानर टेलिभिजनले दुई विस्फोटमा कम्तिमा ४० जनाको मृत्यु भएको जनाएको छ । अरबी सञ्चारमाध्यमहरुले सिया मुसलमानका धर्म गुरुहरुको मृत शरीर राखिएको ठाउलाई असर र्पुयाउने ध्येयका साथ विस्फोट गराइएको जनाएका छन् भने कतिपय सञ्चारमाध्यमले उत्तर क्षेत्रमा इस्लामिक स्टेट आइएस समूहलाई लक्षित गरी सिरियाली प्रशासनले आक्रमण गरेको बताएका छन् ।
 

Comments